1. المنظّم والمدة
- المنظّم: وصلة ماركت (waslamarket.com).
- مدة المسابقة 30 يوم.
- بتنحسب بس النقاط اللي بتجمعها خلال أيام المسابقة.
2. مين بيقدر يشارك
- الدخول مجاني وما بيحتاج أي شراء أو دفع.
- للمقيمين في سوريا، بعمر 18 سنة أو أكتر.
- حساب واحد لكل شخص (رقم موبايل واحد). الحسابات الزيادة بتنحذف نقاطها.
3. كيف بتجمع نقاط
| إعلان معتمد عوصلة ماركت فيه سعر وصورة، نزّلته خلال المسابقة. لحد 5 إعلانات بكل أسبوع. الإعلان المكرر (نفس العنوان) ما بينحسب. | +1 |
| بيعة أكيدة: علّمت الإعلان "مباع" بالتطبيق وحددت المشتري، والمشتري حساب تاني عمره 14 يوم أو أكتر. مرة وحدة لكل بائع ومشتري، ولحد 3 بيعات بالأسبوع. | +3 |
| بيع موثّق من صفحة "سجّل عملية بيع"، بعد ما نراجعه (لكل طرف). إذا أكّد طرف واحد بس: +1. | +2 |
| تقييم البائع بعد الشراء، من حساب عمره 14 يوم أو أكتر. مرة وحدة لكل بائع. | +2 |
| دعوة صديق: بتاخد +3 لما صديقك ينزّل أول إعلان معتمد، وهو بياخد +1. | +3 |
النقاط بتتحدث مرة باليوم الصبح.
4. الجوائز
- سحب مباشر كل أسبوع على $10 كاش، فائز واحد بكل سحب. كل نقطة عندك وقت السحب = تذكرة. الفائز بيضل بالمسابقة وممكن يربح مرة تانية.
- الجائزة الكبيرة بآخر المسابقة حسب النقاط: المركز الأول $50، التاني $30، التالت $20.
- إذا تعادل أكتر من شخص على مركز، منعمل سحب مباشر بيناتهم.
5. السحب والإعلان عن الفائزين
- السحب الأسبوعي بيكون بث مباشر على صفحة وصلة ماركت، والاختيار عشوائي حسب التذاكر.
- منعلن الاسم الأول للفائز خلال 48 ساعة على صفحة المسابقة وعلى صفحتنا.
6. التحقق وتسليم الجائزة
- منتواصل مع الفائز على الرقم أو الإيميل المسجّل بحسابه على وصلة ماركت.
- قبل التسليم منتأكد من هويته بمكالمة فيديو، وإنه عنده حساب واحد، ومنراجع إعلاناته وبيعاته.
- إذا ما رد خلال 7 أيام أو ما نجح التحقق: بالسحب الأسبوعي منسحب فائز جديد، وبالجائزة الكبيرة بتروح للي بعده بالترتيب.
- الجائزة كاش باليد، خلال 14 يوم من الإعلان، بمكان ووقت منتفق عليه مع الفائز.
- منصوّر التسليم (صورة أو فيديو) بس إذا وافق الفائز.
7. الاستبعاد
- الإعلانات الوهمية أو المكررة، أكتر من حساب لنفس الشخص، والبيعات أو التقييمات المزيفة: بتنحذف نقاطها وممكن ينستبعد الحساب من كل الجوائز.
- قرار وصلة ماركت بالاستبعاد بعد المراجعة نهائي.
8. الخصوصية والتعديل
- بالقوائم منعرض الاسم الأول بس. ما منشارك رقمك أو إيميلك مع حدا.
- بيحق لوصلة ماركت تعدّل الشروط أو توقف المسابقة إذا صار تحايل كبير أو ظرف خارج عن إرادتها، ومنكتب أي تغيير بهالصفحة.
9. فيسبوك وإنستغرام
هذه المسابقة غير مرتبطة بفيسبوك أو إنستغرام أو شركة Meta، ولا ترعاها أو تدعمها أو تديرها Meta بأي شكل. كل مشارك بيعفي Meta من أي مسؤولية متعلقة بالمسابقة.